YAKARTA, INDONESIA, AP.- Indonesia a inougurá su promé servisio di trein supteraneo ku e ophetivo pa aliviá tráfiko den e ekonomia asiátiko mas grandi na sùitost di e kontinente.

Algun minüt despues di inougurá e liña di 16 kilometer desde sentro di Yakarta rumbo pa sùit, presidente Joko Widodo a realisá un seremonia despues ku outoridat a kuminsá ku e segundo fase, kual ta un liña di 8 kilometer rumbo pa nort. E proyekto mester terminá na final di 2024. E dos proyektonan a kosta e pais 2.600 mion dòler.

E liña, kual a habri djadumingu ta inkluí shete stashon riba tera i seis bou di tera, konstruí pa dos empresa lokal i hapones. E pasaheronan por biaha grátis te na final di e luna aki. Despues di esaki, e operador PT PRT Jakarta lo bende e ticketnan ku un kosta ekivalente na entre 70 sèn i un dòler.

E proyekto, finansiá atraves di un fiansa di Agensia di Koperashon Internashonal di Hapon, a wòrdu planiá desde dékada 1980, pero su konstrukshon a wòrdu opstakulisá pa un krísis polítiko, burokrasia i desakuerdonan den e plan di finansiamentu.

 

LAGA UN KOMENTARIO

Please enter your comment!
Please enter your name here