ALBUQUERQUE, NEW MEXICO, MERKA, AP.- E mayoria di e organismonan polisial di New Mexico no ta kumpli ku un lei estatal di 2009 ku ta buska pa kombatí deskriminashon rasial, segun un informe saka djaweps pa gruponan defensor di derechonan sivil i un organisashon ku ta boga pa inmigrantenan.
E informe ta sostené ku ménos di un kuart di e organismonan investigá ta kumpli ku e lei ku
ta prohibí di hasi deskriminashonnan di rasa na momentu di hasi un trabou.
E informe revelá pa e ofisinanan di Albuquerque di Asosiashon Nashonal pa Defensa di Derechonan Sivil (ACLU), ta bisa tambe ku 20% di e organismonan polisial di New Mexico ta karesé di norma estrikto kontra e deskriminashon rasial i ku 24% ta ninga pa suministrá direktirsnan, violando e lei estatal.
Solamente pol is di kondado di Socorro i e organismonan Polisial di Santa Fe i Socoro ta kumpli plenamente ku e lei, segun e rapòrt.
E informe a keda publiká despues ku korte kontra Joe Arpaio a kuminsá. E ta e shèrif di e kondado di maricopa, Arizona, i e demanda ta akusá su hendenan di focus riba e poblashon latino na momentu ku patruyanan ta buska inmigrantenan ku ta biba ilegalmente den e pais.
E demandantenan ta bisa ku e agentenan bou di mando di Arpaio a hasi algun parada di tráfiko, saliendo for di punto di bista ku e aparensia di e konduktor ta hispániko òf kisas asta su okupantenan. Nan no tabata duna kousa probabel pa detené e pe r sonanan aki i simplemente tabata ordená pa nan para pa asina interogá nan pa loke ta na kondishon migratorio.
