LONDON, REINO UNI, AFP.- Outoridat di salú britániko a lansa un kampaña masivo di tèst di COVID-19 den ocho zona den Inglatera pa detektá kasonan di e variante di Corona vírus di Suráfrika.
e zonanan afektá ta representá un pueblo di 80.000 persona.
Segun e ministerio di salú britániko, a detektá 105 di e kasonan aki desde 22 di desèmber. Den e último dianan a detektá 11 kaso no relashoná ku ningun tipo di biahe.
E minister di salú, Matt Hancock a pidi tur habitante di zonanan afektá pa tèst, sea ku òf sin síntoma. Pa sigurá ku niun hende no ta keda afó, voluntarionan lo pasa di kas pa kas ku un kit di prueba i lo pasa piki esaki bèk despues di algun dia.
Desde ku e detektá e promé kasonan di e mutashon surafrikano den Reino Uní fin di desèmber, e gobièrnu a prohibí tur buelo direkto for di e pais.
