MIAMI, AP.- Funshonarionan federal di salú a bisa djaluna ku a kanselá e alerta ku a hasi pa muhénan na estado. No a reportá kasonan nobo di zika transmití pa sangura den e área desde komienso di ougùstùs. Asina nan a bisa.Den último simannan, e trahadónan spesialisá den kòntròl di sangura a reportá un bahada den e kantidat di insekto, ku ta e propagadónan prinsipal di e vírus.
“E mensahe di Wynwood tabata un gran éksito”, segun dòkter Lyle Petersen, di Sentronan pa Kòntròl i prevenshon di Enfermedat di Merka.
Sinembargo, CDC a apstené di rekomendá pa muhénan na estado bishitá Wynwood, e distrito artístiko na Miami.
Funshonarionan di CDC a destaká ku insektisida a wòrdu rosá pa mata larva i sanguranan adulto.
Djaluna, e gobernador di Florida Rick Scott a bishitá e área di Wynwood, na nort di sentro di Miami. Na final di yüli, e bisindario a kombertí den e promé sirio di teritorio kontinental di Merka ku e sanguranan ku vírus di zika.