WILLEMSTAD.- Ta hopi importante pa hinter aña nos keda tene nos kultura na haltu. Esaki ta di nos, esaki ta identifiká ken realmente nos ta.
Incredible Events ta organisá pa di 9 aña Bos di Kunuku i pa 4 aña Rei i Reina Kultural. P’esei e aña aki lo no ta un eksepshon.
I ya a anunsiá ku inskripshon pa ku esaki a habri. Edat pa partisipá na Bos di Kunuku ta 08 pa 16 aña i pa Rei i Reina Kultural ta di 13 aña e ku 19 aña. Elekshon lo tuma lugá dia 26 òktober próksimo i nos ta garantisá manera semper un kompetensia sano i na nivel. Mas detaye ta sigui den kurso di siman i por sigui nos página di Facebook ku ta E Rais di Sablika, Marcha Kultural Banda Riba. Pa inskripshon i mas informashon por tuma kontakto na number di telefòn +599 9 679 6057.
