WILLEMSTAD.-E tim di Inspekshon Ekonómiko ta move riba kaya e dianan aki ku èkstra kontròl. Inkreibel pero apesar di tantu atvertensia, tòg tin hende ta pretendé di tira pará, den sentido di bai purba pa bende kos na playa òf riba kaya sin e pèrmitnan nesesario. Na playa Sta.Cruz na Banda Bou e tim mester para operashon di hende ku a bai hasi su negoshi sin niun pèrmit. E no tabatin pèrmit Ekonómiko i pa kolmo no tabata kumpli ku e ordenansa di stipulashon di preis. Na Jandoret tambe mester a atendé ku un negoshante debí ku e no a tende kuenta ku indikashon di preis i makutu básiko.
Den e otro áreanan si e kontròl a kana fásil debí ku empresarionan a pèrkurá di kumpli ku tur rekisito, tur esaki a tuma lugá den kuadro di e Operashon Siman Santu.
- Playa Caracasbaai= nada partikular.
- Playa Jan Thiel = nada partikular.
- Playa Sint Joris = nada partikular.
- Playa Canoa = nada partikular
- Playa Piskadera = 1 negoshi fiho (Breeze adventures/ Blue Fin) despues di bolbe hasi kontròl nan ta OK.
- Boca Sami= nada partikular
- Jandoret, kaya Amado Römer 15. = J.P. Victoria Center b.v. = atvertensia pa indikashon di preis i Makutu Básiko.
Huntu ku polis di Barber a hasi kontrol na e siguiente áreanan;
- Playa Santa Martha = nada partikular
- Playa Porto Marie = nada partikular.
- Playa Cas Abou= nada partikular.
- Sta Cruz= 1 vent. A para su operashon debí paso no tabata tin un pèrmit Ekonómiko i alabes ni indikashon di preis.
- Lagun 46B= negoshi fiho, Di Bario tabata OK
- Kenepa Chikí= nada partikular
- Kenepa Grandi= nada partikular.
- Playa Piskadó= nada partikular.
