Instalashon di e ‘Dome’ di mas grandi na mundu na Kòrsou

Foto: www.staalantillen.com

WILLEMSTAD.- Na e momentunan aki Refineria Isla i Curacao Oil Terminal (COT) ta hasiendo trámitenan pa instalá un ‘dome’ riba un tanki na Bullenbaai. Esaki ta e bira e ‘dome’ di mas grandi na mundu ku ta bai riba un tanki. Pues algu ku sigur Refineria Isla, COT i Kòrsou por ta sumamente orguyoso di dje. Algun luna pasa na Ulanda, esta den e aña aki, tambe a instalá un ‘dome’ riba un tanki. E loke ku Isla i COT ta instalando awe na Bullenbaai ta hopi mas grandi. E tanki spesífiko aki ta muchu mas grandi ku tankinan na paisnan produktor di petroli.

Na Bullenbaai a tuma lugá e proseso di drecha un tanki i awe djaluna 7 di mei ta subi e dak, e ‘dome’ di e tanki ei. E tanki ei ta unu sumamente grandi, esun mas grandi na mundu i e ‘dome’ ta bira esun mas grandi na mundu. Tin hopi desaroyo hopi positivo rondó di refineria i esaki ta un di nan, asina e bosero di Isla sr. Earl Balborda a deklará na EXTRA.
Ta hopi aña kaba na Kòrsou ku tin tankinan ku ‘dome’ komo dak. Djis algun aña pasá, na 2016, e kompania lokal Curoil a keda ku su tankinan den haf di Kòrsou. Ta trata di tankinan ku Curoil ta usa komo depósito di produktonan petrolero ku e kompania ta komersialisá e.o diesel. E ta permití Curoil pa kumpra kantidatnan mas grandi di produkto i asina por negoshá mihó preis ku na su turno ta nifiká preis mas kompetitivo riba merkado.

SHARE

LEAVE A REPLY