NASHONNAN UNI, USA (AFP).- E Sekretario General di Nashonnan Uní, Antonio Guterres, a rekomendá na Konseho di seguridat di Nashonnan Uní pa apoyo lohístiko i finansiero pa e mishon multinashonal ku ta tumando lugá na Haiti. Pero ta deskartá pa manda personal di pas di Nashonnan Uní.
“Na e momento aki no ta faktibel pa komprometé ku un operashon di mantenimentu di pas di Nashonnan Uní”,segun e sekretario general den un karta dirigi na e Konseho. Pero e ta tene kuenta ku esaki por bira posibel si logra avansenan signifikativo den e redukshon di kontrol teritorial di parti di gènnan.
E mishon Multinashonal di Seguridat, outorisá pa Konseho di Seguridat den 2023 i dirigí pa Kenia, ta konta ku algu mas di 1.000 polis di seis pais, leu for di e 2.500 ku tin mester.
Komo ku e violensia di gènnan i e kontròl dje pais ta sigui bira mas serio, outoridatnan haitiano di transishon a solisitá algun luna pasá pa traha den direkshon di un operashon di mantenshon di pas di parti di Nashonnan Uni. Ainda no tin un desishon riba esaki.
