Intento huida for di barak

WILLEMSTAD.- Un ratu pasá a bati alarma na prizon ora ku esnan responsabel a tuma nota ku un grupo di mas o ménos 9 muhé indokumentá a trata na hui for di baraknan riba tereno di prizon na Koraal Specht. Informashon ku EXTRA ta disponé di dje ta indiká ku manera e informashon a yega serka outoridatnan a bati alarma i a haña asistensia di polis pa yuda dominá e situashon ku a presentá. E kaso aki ta sosodé nèt un dia despues ku mando di polis a habri porta pa prensa di Kòrsou pa drenta i wak kon ta trata ku hendenan indokumentá i otro prezunan den e instituto. E kaso ta presentá mas o ménos un siman despues ku minister di hustisia Girigorie a tene un konferensha di prensa pa splika ku a instituí un komishon pa bai atendé ku e situashonnan den prizon i spesífikamente e problemanan na barak. EXTRA tin informashon ku algun minüt despues ku e hendenan a sali for di e área di barak a logra garanan i asina stroba ku nan ta Sali pafó di e tereno di prizon. Mas detaye den edishon di EXTRA.

SHARE

LEAVE A REPLY