…Momento di entiero di e argentino/israelí Shiri Bibas i su dos yunan hòmber, kendenan a muri miéntras ku nan tabata sekuestrá pa militantenan palestino den Gaza…
GAZA, Palestina (AFP).- Hamas den oranan di awe mardugá a hasi entrega di kuater kurpa di israelínan morto den Gaza durante di nan sekuestro i a anunsiá ku Israel, a kambio lo liberá 600 detenido palestino. Ku esei lo pone fin na e interkambionan manera a palabrá den e promé fase despues ku a para e guera.
E ofisina di promé minister israelí, Benjamin Netanyahu, a konfirmá ku Israel lo risibí e kuater kurpanan di rehennan di Gaza i ku “konforme e eksigensianan israelí esaki lo tuma lugá sin seremonianan di parti di Hamas”.
Segun medionan israelí, e kuater kurpanan ta di Ohad Yahalomi, Tsachi Idan, Itzik Elgarat i Shlomo Mansour, loke ta konfirmá e anunsio di parti di Hamas.
Despues di diessinku luna di guera den Gaza, guera ku a start ku e atake di milisianonan islamita riba suela di Israel riba 7 di òktober di 2023, Israel i Hamas a yega na un akuerdo pa den tres fase para e guera.
E promé, na vigor for di 19 di yanüari, lo finalisá 13 di mart i durante esaki, Hamas lo debolbé na Israel 33 rehen, ocho di kua ta sin bida, a kambio di liberashon di 1.100 prezu palestino.
Te ku awe, Hamas a liberá 25 rehen i a debolbé na Israel e restunan di kuater otro persona, miéntras ku mas di 1.100 prezu palestino a keda liberá
Entre e kurpanan entrega siman pasá, a figurá esun dje israelí di origen argentino Shiri Bibas i su dos yunan, Kfir i Ariel, kendenan a muri den koutiverio
