JOHANNESBURG, AP.- Un total di 33 persona a muri dor di inundashonnan i avalanchanan di lodo den e provinsia oriental surafrikano di KwaZulu-Natal, segun informashon di medionan di komunikashon surafrikano djamars.
E emisora estatal SABC a sita outoridat provinsial reportando e kantidat di morto. Awaseru fuerte di djaluna a kousa e inundashon i avalanchanan.
E informe, a agregá ku diferente kas na kosta di Durban, den Oséano Indiko a wòrdu afektá.
Segun informashon, algun persona ta ninga di bandoná nan kas konforme e nivelnan di awa ta subi, dor ku nan ta teme ku nan hogar ta wòrdu sakiá.