PARIS, AP.- E inundashonnan ku a afektá vários lokalidat na sùitwèst di Fransia despues di un tormento anochi a provoká por lo ménos 12 morto, segun informashon di outoridat djaluna.
Algun persona mester a wòrdu reskatá ku helikòpter desde dak di nan kas debí na un ekivalente na vários luna di áwaseru ku a kai den apénas algun ora.
Ministerio di Interior franses a reportá ku 13 persona a fayesé debí na e inundashonnan den departamento di Aude.
Outoridat a redusí e sifra na 10 morto i a bisa ku algun di e víktimanan a wòrdu kontá dòbel. E Ministerio di Interior i a funshonarionan di Aude a oumentá e kantidat na 12 despues di a rekuperá dos kadaver na Trebes i Carcasona.
Por lo ménos seis morto a pasa na Treves, segun señalashon di Alkalde Eric Menassi. Ocho persona a resultá leshoná den e region afektá pa inundashonnan i e paradero di un persona no tabata konosí djaluna anochi.
E sobrebibientenan a deskribí korientenan violento di awa ku a kousa daño i inundá kasnan.
