KHARTOUM, SUDAN, AFP.- Mas di 50.000 persona a wòrdu afektá pa inundashon atraves di Sudan siman pasa, segun indikashon di Nashon Uni djárason.

“Áwaseru torensial a kontinuá na vários parti di Sudan, kousando diferente inundashon, avalancha di lodo, dañonan na kasnan i infrastrukura di por lo ménos 14 di 18 estado”, segun afirmashon di e Ofisina di Kordinashon di ‘Humanitarian Affairs’ di Nashon Uni.

Mas di 50.000 persona a wòrdu afektá i e kantidat aki posiblemente lo sigui subi.

E minister di Interior Eltrafi Elsdik a bisa ku por lo ménos sinku persona a muri i por lo ménos 3.500 kas a wòrdu destrosá pa e inundashon di siman pasa. Sudan frekuentemente ta sufri di áwaseru torensial entre yüni i òktober, kousando inundashonnan desastroso. Siman pasa un dam a kibra den estado Blue Nile, destruyendo mas di 600 kas.

LAGA UN KOMENTARIO

Please enter your comment!
Please enter your name here