MOSKU (AP).- E kantidat di mortonan dor di e inundashonnan grave na sùit di Rusia a oumentá ayera na por lo ménos 171, despues di a konvertí e kayanan di e region di Laman Pretu den riunan, ku alastrabrùgnaniainundá míles di kas miéntras e habitantenan tabata drumí.
Presidente Vladimir Putin a bula pa e region i a ordená pa e investigadónan determiná si por a hasi mas pa evitá e mortonan. E áwaseru torensial a manda 30 centimeter di awa den ménos di 24 ora, ku segun e servisio meteorológiko estatal tabata mas ku sinku bes e promedio mensual.
E awa a yega e pueblo Krymsk ku un velosidat i volúmen djasabra mardugá ku e habitantenan a bisa ku nan a sospechá ku e awa ei a sali di un reserva den e serunan. E funshonarionan lokal a nenga esaki i nan a bisa ku ta téknikamente imposibel habri e ‘sluisnan’.
E investigadónan federal, sin embargo, a rekonosé ayera ku awa a sali di e reserva, pero nan
a insistí ku e no a kousa e inundashon i ku e dam no a kibra. Awaseru a kai tambe na Gelendzhik, un sentro di fakansi popular kantu di Laman Pretu, na 200 kilometer riba e kosta di Sochi, kaminda ta prepará e Weganan Olímpiko di Invierno 2014. Novorosiisk, un haf importante di Laman Pretu, tambe a resultá afektá.
Ministerio di Asuntunan Interior a bisa ayera ku a rekuperá 171 kurpa, 159 di nan na Krymsk i 10 na Gelendzhik; entre esakinan sinku a muri elektrokutá despues ku un transformator a kai den awa. Mayoria di esnan ku a muri tabata di edat avansá i nan no por a skapa di e kresementu diripiente di e awa.
E habi tantenan di Krymsk a deskubrí ku e masa di awa tabata dje haltu ei ku el a tapa e daknan di outonaniainundákasnan di un piso so. Algun hende a buska refugio riba daknan i den palunan di mata.
Putin a yega e region djasabra atardi i el a revisá e dañonan for di den laira. Imágennan di televishon di Krymsk saká for di e helikòpter di Putin, a mustra e siudat di 57.000 habitante parsialmente bou di awa di lodo. E stadion di e siudat tabata parse mas un lago será.
Den hinter e region, mas di 5.000 kas a keda inundá.
Trahadónan i boluntarionan a traha purá pa parti alimentu, awa potabel i paña na Krymsk, debí ku gran parti di e siudat no tabatin koriente i servisionan di awa. Segun ku e inundashonnan tabata baha, e habitantenan tabata trata di saka lodo for di nan kasnan i reskatá nan pertinensianan.