GAUHATI, INDIA (AP).- E pió inundashonnan di temporada ku a asotá nortost di India den un dékada a laga mas di 80 personamortoiaobligá dos mion mas di bandoná nan kasnan, asina outoridatnan a anunsiá ayera.
Kasi mei mion di persona ta den kampamentunan di yudansa instalá den hinter e estado Assam, asina e promé minister Manmohan Singh a bisa periodistanan na Gauhati, e kapital di e estado.
Sobrá di e dos mion di personanan ku a move a muda ku famianan òf nan ta bibando na airu liber.
Funshonar ionan di Assam a bisa ku 81 persona a muri den e último kuater dianan.
Mayoria di nan a wòrdu lastrá dor di e koriente ora e poderoso riu Brahamaputra a basha overiainundápueblonan. Dieseis a keda tapá den avalanchanan di lodo dor di e áwaseru.
A lo ménos 11 persona mas ta pèrdí den seis distrito, asina e agensia estatal di maneho di desasternan a informá.
Helikòpternan di Forsa Aéreo a tira pakinan di alimentu i awa potabel for di laira pa e hendenan ku a keda atrapá den e terenonan haltu rondoná pa awa, asina Singh a bisa despues di a inspekshoná e distritonan asotá pa e inundashonnan.
E sòldánan a us a lanchanan pa reskatá e hendenan for di daknan i kasnan inundá.
Ekiponan di dòkternan a habri klínikanan di salú den e 770 kampamentunan di yudansa instalá den estado Assam, un di esnan mas impor tante pa e kultivo di té.
E serunan kaminda ta kultivá té a keda afektá, pero e vèltnan di aros den terenonan mas abou si a keda inundá.
Segun funshonarionan, e isla Majuli, un di e islanan di riu mas grandi di mundu, a keda bou di awa debí na e kresementu di riu Brahamaputra.
