SAN FRANCISCO (AFP).- Fiskal general di California a anunsiá ayera di a start un investigashon riba publikashon di imágennan di karakter seksual di muhénan i menornan di edat produsí pa e sistema di inteligensia artifisial Grok riba e ret sosial X. E empresa di inteligensia artifisial di Elon Musk, xAI, “parse di ta fasilitá e produkshon na gran eskala di montahenan íntimo sin pèrmit di e personanan, usá ku tantu adultonan komo hóbennan femenino riba internèt, prinsipalmente via dje ret sosial X”, segun e fiskal Rob Bonta den un komunikado. E investigashon ta tuma lugá despues di vários reklamo kontra di X den vários pais pa motibu di publikashon di imágennan pornográfiko falsu kreá via di kòmpiuter.
