Kòrsou e promé isla den Karibe ku lansa IQOS
WILLEMSTAD. – Superior Tobacco Company Curaçao, un filial di Philip Morris International (PMI) ku hopi satisfakshon ta anunsiá ku IQOS, e sistema elektróniko pa keinta tabako a keda lansá pa benta na Estado Unídos (Merka).
PMI a introdusí IQOS riba merkado merikano pa medio di un akuerdo eksklusivo ku Altria Group, Inc., un kompania ku tin e ekspertisio di merkadeo i ku tin e infrastruktura pa un lansamentu eksitoso. Atlanta, Georgia ta e promé estado na Merka, kaminda ku humadónan adulto por kumpra e produkto liber di huma.
Lansamentu di IQOS na Merka ta un ‘Milestone’ históriko pa e 40 mion humadónan merikano hòmber i muhé, e oportunidat pa skohe un forma nobo pa huma, awor ku IQOS ta e promé produkto elektróniko pa keinta tabako pa medio di teknologia ku a keda outorisá pa “U.S. Food and Drug Administration” (FDA) pa benta na Merka.
Na luna di aprel di e aña aki FDA a konfirmá ku IQOS, ta un produkto ku ta keinta i no ta kima tabako, ta apropiá pa protekshon di salú públiko. E agensia su desishon tabata kompañá pa un evaluashon sientífiko ekstenso di PMI ku a keda entregá na 2017.
Juan Ignacio Suarez, Gerente General di PMI Karibe a duna di konosé ku, “lansamentu di IQOS na Merka ta un muestra mas ku e kompromiso pa enkurashá humadónan adulto pa kambia pa produktonan liber di huma i kondusí pa inovashon di investigashon sientífiko. Esaki ta pionero den kalidat i ta reflehá e echo ku te ku e dia di awe niun otro produkto elektróniko di keinta tabako no a keda outorisá pa merkado merikano pa FDA.”
Humadónan adulto meresé pa tin akseso na inovashon, alternativanan liber di huma na lugá di sigaria i tambe informashonnan korekto di e produkto aki.
Ku un kombinashon stringente, pero ku regulashon sensibel i ku evaluashon riguroso i un amplio konsientisashon i un merkadeo regulá, e produkto liber di huma por tin un ròl krusial den yuda e adulto ku defakto lo sigui huma sigaria, e alternativa pa kambia pa produkto liber di huma.
Suares a añadí ku, “for di mei 2017 IQOS ta disponibel na Kòrsou. For di dia ku a lansa IQOS na Kòrsou, 4% di humadónan riba e isla a bandoná sigaria i a kambia pa IQOS. Nos ta spera ku e adulto na Merka ku ketu bai ta humando sigaria, pronto lo kuminsá ku nan gira pa kita for di sigaria.”
Banda di e loke ku PMI a entrega komo evidensia sientífiko ku a outorisá IQOS komo un produkto di rísiko modifiká, FDA lo kontinuá ku nan evaluashon.
Merka ta e di dos merkado grandi di tabako tras di China.
