BAGDAD, AP.- Ministerio di Defensa di Irak a publiká un video ku ta mustra atakenan aéreo ku a destruí vários vehíkulo i outoridatnan a bisa ku tabata trata di un karavana di e grupo Estado Islámiko ku tabata huyendo di e siudat oksidental di Fallujah despues di a wòrdu kapturá bèk pa forsanan militar irakí. “Mas di 20 helikòpter a partisipá den e mishon i a destruí mas di 138 vehíkulo”. Asina e komandante di ehérsito irakí, teniente general Hamid al-Maliki a bisa djárason anochi.
Al- Maliki a bisa ku e helikòpternan irakí a lansa tur e atakenan aéreo. “Ningun otro forsa a partisipá den e operashon aki”.
E koalishon enkabesá pa Merka a bisa djaweps ku tabatin vários atake aéreo ‘kontra dos konsentrashon grandi di vehíkulo i kombatientenan Daesh”, segun e bosero, koronèl Christopher Garver. Avionnan irakí i di koalishon a kuminsá ataka un karavana djamars anochi i djárason mainta i un otro karavana mas riba djárason. Durante e kurso di dos dia, e atakenan di koalishon a destruí 175 vehíkulo di Estado Islámiko, segun un deklarashon di Garver. El a bisa ku “forsanan irakí a di seguridat a destruí mas vehíkulo”.
