BAGHDAD, AP.- Míles di irakí a manifestá pasifikamente djabièrnè den kayanan di Baghdad pa eksigí e sòldatnan merikano pa bandoná e pais. e protesta a wòrdu organisá pa un klérigo shiita.
E protestanan aki a surgi despues di un atake merikano ku a kousa morto di un general iraní importante den e kapital di Irak.
No tabatin sifra ofisial di e kantidat total di manifestantenan. E organisadónan a duna diferente sifra di e kantidat total ku a partisipá.
Outoridat i ekspertonan a señalá ku e midimentu di forsa tabata un intento di e klérigo pa mustra malkontentu di e pueblo kontra Merka i tambe mustra Irak su preferensia.
E simpatisadónan di e klérigo no a konfrontá ku e polisnan i no a ataka e protestanan kontra gobièrnu riba Plaza Tahrir, algu ku aktivistanan a teme ku por sosodé.
“E formashon di un gobièrnu nobo ta konstitushonalmente atrasá i ta nesesario pa tur partido involukrá koperá”, asina al-Sistani a bisa durante di un seremonia. “Esaki ta un paso importante pa resolvé e krísis aktual”.