PARIS, FRANSIA, AFP.- Outoridatnan iraní a anunsiá djabièrnè e aresto di vários ekstranhero den kuadro di e movementu di protesta pa morto di un hóben ku a keda detené pa polis di moral.
Kantidat di persona a muri den e manifestashon ku a kuminsá despues di morto dia 16 di sèptèmber di Mahsa Amini un kurdo iraní di 22 aña, tres dia despues di a keda arestá pasobra e no tabatin su velo korektamente bistí, segun e kódigo estrikto di bistimentu imponé pa muhénan den e repúblika islámiko.
E poder ku ta nenga kualke implikashon di forsa di seguridat den e morto di e muhé, ta tilda e manifestantenan di kousa bochincha i p’esei e kantidat di arestonan. Den un komunikado e ministerio iraní di inteligensia a anunsiá di detenshon di 9 siudadano di Alemania, Polonia, Italia, Fransia, Ulanda, Suesia etc., Segun e institushon nan a keda arestá na e lugá kaminda a sosodé e disturbio ku nan tabata impliká den dje.
