TEHERAN, IRAN (AFP).- Iran ayera a denunsiá komo un desishon di “influensia polítiko” e echo ku a atribuí e premio Nobel di Pas na e defensor di derechonan di muhé na Repúblika Islámiko, Narges Mohammadi, kende aktualmente ta será.
“Nos a tuma nota ku e komité Nobel a konsedé e premio di Pas na un persona ku a keda deklará kulpabel di vários violashon di lei i aktonan deliktivo”, segun nan ta bisa den un komunikado firmá pa e Minister di Relashonnan Eksterior, Nasser Kanani.
“Nos ta kondená e akshon polítiko aki”, el a agregá, insistiendo ku den deklarashon dje komité tin “afirmashonnan robes” riba asuntunan interno di Iran.
E bosero a denunsiá ku dunamentu dje galardon ta parti di “un akto polítiko i intervershonista ku ta impliká vários gobièrnu europeo”.
Mohammadi, ku den último dos dékadanan na vários okashon a keda akusá di hasi propaganda i kometé aktonan kontra seguridat nashonal, a keda rekompensá “pa su akshon kontra di opreshon di hende muhé na Iran i su lucha pa promové derechinan humano i libertat di tur hende”, segun e presidente dje Komité Nobel, Berit Reiss-Andersen.
E premio pa e periodista i aktividat di 51 aña, tambe a keda kritiká pa prensa iraní.
E agensia di notisia di Iran, Tasnim, a deskribí Mohammadi komo “un persona kondená ku a kometé aktividatnan supervisá”.
