TEHRAN, IRAN, AFP.- Iran a kuminsá produsí uranio altamente enrikesé den su planta Fordo. Oksidente ta konsiderá ku e inisiativa anunsiá ta “desafiá” e akuerdonan di no proliferashon nuklear di 2015.
“E produkshon di uranio enrikesé na 60% a kuminsá na Fordo djaluna”, segun anunsio di e direktor di Organisashon di Energia Atómiko Iraní, Mohammad Eslami. E Organismo Internashonal di Energia Atómiko (IAEA) a konfirmá inisio di e produkshon di uranio altamente enrikesé na Fordo.
E akuerdo di e programa nuklear di Iran firmá na Viena na 2015 ta establesé ku Tehran no por superá 3,67% di enrikesimentu.
E akuerdo a keda firmá pa Reino Uní, Fransia, Alemania, Merka, China i Rusia na aña 2015, pero esaki ta moribundo desde ku Washington a retirá di e akuerdo na 2018.
