Minister di Eksterior iraní, Abbas Araghchi
PARIS, FRANSIA, AFP.-
Iran a deskartá djadumingu ku e pais lo stòp di enrikesé uranio komo parti di e negosiashonnan ku Washington, sin importá kon tenso kosnan bira ku Merka.
Despues di e promé rondia di kòmbersashon djabièrnè na Oman, kual ámbos pais a konsiderá komo positivo, e dos paisnan a afirmá nan boluntat pa sigui ku a diálogo.
Iran a bisa bon kla ku e ta dispuesto na papia solamente di su programa nuklear den e negosiashonnan. E pais ta insistí ku e tin derechi di desaroyá energia nuklear pa propósitonan sivil.
Merka a desplegá un forsa militar amplio den e Golfo, i ta eksigí un akuerdo mas amplio ku ta inkluí limitashon di e kapasidatnan balistiko den e pais. Merka ta eksihí tambe pa Iran stòp di sostené gruponan arma hostil den Israel.
E minister di Eksterior iraní, Abbas Araghchi, a afirmá djadumingu ku Tehran lo no entrega na e eksigensia di Trump pa stòp di enrikesé uranio “sin importá si nan imponé un guera riba nos”.
Sin duna mas detaye, el a indiká ku Iran por konsiderá “un serie di medida di konfiansa relashoná ku e programa nuklear”, si kita e sanshonnan internashonal ku ta sofoká e ekonomia iraní.
