Kontròl severo den kayanan di Iran ku detenshon di míles di persona kendenan di un òf otro manera ta keda relashoná ku e guera di Merka i Israel kontra dje pais.
PARIS, Fransia (AFP).- Iran a detené mas ku 3.600 persona pa akusashonnan relashoná ku guera kontra di Merka i Israel, ku ta varia for di kompartí videonan ku medionan di komunikashon den ekstranhero te ku posishon di terminalnan di Internet Starling. E organismo Iran Human Rights (IHR), ku sede na Norwega, a bisa ku e sifra, ku ta basá riba informe di medionan estatal i tambe su mes investigashon, ta representá un mínimo si tene kuenta ku e restrikshonnan aktual di internèt den e repúblika islamita, i ku e kantidat di detenshon real ta hopi mas haltu.
Segun IHR ku por lo ménos 3.646 persona a keda detené for di momento ku e guera a kuminsá dia 28 di febrüari. “E akusashonnan kontra di esnan detené ta inkluí prinsipalmente spionahe, komunikashon ku servisionan di inteligensia estranhero, transmishon di imágennan i intentonan pa hasi kontakto ku gruponan armá.
E aktivista di derechinan humano i ganadó di Premio Nobel di Pas di 2023 Narges Mohammadi, ta sigui den prizòn despues di su detenshon den desèmber. E siman aki el a kumpli 54 aña. E ta será den prizòn dje siudat Zanyan, segun su fundashon, ku a atvertí siman pasá di e estado kritiko di su salú despues di a sufri un atake di kurason den luna di mart.
