Mohamad Baqer Qalibaf ku konseho bon kla dirigí na Donald Trump
TEHRAN, Iran (AFP).- E hefe di ekipo negoshadó iraní, Mohamad Baqer Qalibaf, ayera a konsehá Merka (Donald Trump) pa “midi bo palabranan”, despues di un mensahe di Trump ku a menasá na bolbe ataká Iran. E menasa aki a surgi den pleno buèlta di kòmbersashonnan na Suisa.
“Lo e hasi bon pa midi su palabranan. Nos forsanan armá ta kla pa respondé na un otro manera”, segun Qalibaf a atvertí riba X, sin menshoná e presidente norteamerikano, ounke den un referensia dirèkt riba esaki su último mensahe.
Trump un ratu promé a “konsehá” Tehran pa no laga su aliadonan na Líbano “kousa problema” i a menasá di bolbe atake Iran. “Iran di forma dirèkt mester impedí ku su gruponan afiliá, generosamente finansiá, ta kousa problema den Líbano. “Si e no hasi esei nos lo bolbe ataka Iran ku hopi forsa, manera nos a hasi siman pasá, òf te hasta mas kontundente”, segun Trump a skirbi riba Truth Social.
E peleanan entre Hezbolá i Israel den zùit di Líbano a stòp for di djasabra anochi. Israel a bisa di ta deseá pa esei keda komo “un zona di seguridat”, algu ku Hezbola ta konsiderá komo “imposibel”.
E deklarashonnan di Qalibaf a keda publiká na momento ku Iran i Merka ta mantené nan promé kòmbersashonnan na Suisa, esaki ku mediashon di Pakistan i Qatar.
E agensia di notisianan iraní RARS a bisa ku e menasanan di Trump a provoká e suspenshon di e kòmbersashonnan, ounke esaki no a keda konfirmá a fuentenan ofisial.
