TEHERAN, Iran (AFP).- E kansier iraní Abas Araqhchi, ayera a duna di konosé ku su pais lo respondé riba kualke atake di parti di Merka, pero a ekspresá su speransa pa un solushon diplomátiko i a bisa di ta spera ku “probablemente” un siglo nobo di kombersashon riba e programa nuklear lo start djaweps na Ginebra.
Segun Araqhchi ku representantenan di su pais i di Merka ta trahando riba elementonan di un akuerdo ku por keda diskutí e siman aki. “Mi ta kere ku ainda tin bon posibilidat pa yega na un solushon diplomátiko basá riba un wega den kua tur partido ta sail ganando”, segun Araqhchi a deklará na e kadena norteamerikano CBS.
Riba e enrikesimentu di uranio, kontra kua Merka ta oponé, Araqhchi a bisa: ”Komo pais soberano, nos tin tur derechi pa disidí pa nos mes” . Ademas mi ta atvertí ku si un pais keda agredí, e tin derechi legítimo pa defendé su mes. “Si Merka ataká nos, nos tin tur derechi pa defendé nos mes. Si Merka ataka nos, esei ta un akto di agreshon. Loke nos hasi ta akto di outodefensa”, segun e kansier a indiká. “Nos sa ku nos misilnan no por gòlpia teritorio norteamerikano. Den e kaso ei, opviamente nos tin ku hasi algu mas. Bosnan sa kaba, e ora ei nos mester ataká basenan militar den e region”,el a agregá.
