VIENNA, OUSTRIA, AP.- Un dokumento ku The Associated Press a risibí ta mustra ku e restrikshonnan klave ku ta figurá den un akuerdo sekreto tokante e programa Nuklear di Iran, ta keda retirá den poko mas di un dékada. Esaki a pone ku Teheran mester redusí mitar di su tempu ku e mester pa konstruí un bòm atómiko.
E dokumento ta e úniko teksto sekreto relashoná ku e akuerdo di aña pasá entre Iran i seis pais. Esaki ta presisá ku despues di un periodo di entre 11 i 13, Iran por sustituí su 6.050 sentrifugador inefisiente ku un máksimo di 3.500 mashin avansá.
E sentrifugadornan ta sinku biaha mas efisiente pues Iran lo mester di 6 luna pa krea un arma nuklear na lugá di 1 aña.
Iran ta bisa ku su programa di enrikesimentu atómiko ta pa intenshonnan pasífiko, pero tin algun gobièrnu ku ta teme ku nan por usa e programa pa desaroyá proyektilnan nuklear.
E informashon fasilitá djaluna pa dos diplomátiko a pidi pa no keda identifiká debí ku nan no tabata outorisá pa revelá esaki.
This function has been disabled for èxtra.