Vehíkulonan di Krus Kòrá ku a transportá kurpa di 45 palestino a yega Nasser hospital na Khan Yunis parti sùit di Franja di Gaza
JERUSALEM, JERUSALEM, AFP.- Militar Israelí a bisa ku e restunan di 4 rehen a keda manda bèk dor di Hamas i nan a keda identifiká, miéntras promé minister Benjamin Netanyahu a primintí mas notisia di esnan kapturá.
Di otro banda Hospital na Gaza a bisa di a risibí restunan di 45 palestino ku a keda manda pa Israel, tambe parti di e plan di presidente merikano Donald Trump pa kaba kue guera na Gaza.
Den un deklarashon, militar Israelí a nombra dos di e víktimanan komo Guy Iluz un israelí i Bipin Joshi ku studiante di agrikultura di Nepal.
Un grupo di Israel a kampañá pa laga e rehennan bai i nan a nombra nòmber di otro víktimanan Yossi Sharabi i Daniel Peretz, un ofisial di armada israelí.
Sharabi di 53 aña na momentu di e atake a keda tuma rehen for di Kibbutz Beeri i Peretz di 22 aña na e momentu ei a keda mata riba e dia di e atake i Gaza a bai ku su restunan.
“Awor finalmente nos por pone un fin na e pesadia ku a kuminsá 2 aña pasá i duna Yossi un entiero digno i ku amor manera e meresé”, segun su kasá Nira Sharabi ku a papia durante di e foro di famianan pèrdí i rehennan di e grupo di kampaña.
Trump lo desarmá Hamas
“Nos lo desarmá Hamas, inkluso ku e uso di violensia si ta nesesario”, asina e presidente merikano Donald Trump a bisa dilanti di perspektivanan di si e grupo islamita nenga na entregá su armanan boluntariamente.
“Si nan no desarmá, nos o hasié. I esei lo sosodé rápido i kisas violentamente”, asina e republikano a bisa na Kas Blanku, dia despues di a bishitá Medio Oriente pa selebrá e akuerdo di pas entre Israel i Hamas na Franja di Gaza.
Buldozer a kuminsá ku trabounan di limpiesa na Gaza
