TEL AVIV, ISRAEL, AFP.- Gimnasionan na Israel a habri solamente pa personanan vakuná kontra COVID-19.
E gobièrnu israelí a disidí ku lo habri sentronan komersial i otro empresanan pa e pueblo kompleto, sakando e pais pa di tres biaha for di un lockdown desde komienso di e pandemia.
Pero otro sitionan ta reservá solamente pa esnan ku tin un “karchi bèrdè”, kual ta nifiká ku sea nan a haña e di dos dósis di e vakuna desde por lo ménos un siman òf esnan ku a rekuperá di e enfermedat.
Tom John, un siudadano di 30 aña a konektá na e aplikashon di su gimnasio i a inskribí su karchi bèrdè, un sertifikado online di e ministerio di salú ku ta aprobá ku el a haña e di dos dósis di e vakuna di Pfizer/BioNTech, segun indikashon di AFP.
Israel a ehekutá un di e kampañanan di vakunashon mas rápido rònt mundu. E pais a vakuna mas o ménos 4,3 mion persona di 9 mion kual ta ekivalente na 48% di e pueblo. E vakuna apliká ta di Pfizer/BioNtech desde desèmber i mas o ménos 2,9 persona a haña e di dos dósis di e vakuna.
