HERUSALEM, AP.- E minister di defensa israelí nobo a duna òrdu pa elaborá un plan pa realisá mas lugá di establesé den siudat Hebron na West Bank.

Minister Naftali Bennett a pidi pa “avansá ku e plannan” pa konstruí mas kas, den un karta ku el a manda pa funshonarionan di defensa djadumingu.

E oumento di e pueblo hudiu probablemente lo intensifiká e tenshon na Hebron mas ainda.

Hebron ta e siudat palestino mas grandi na West Bank. E ta un zona ku ta sufri konstantemente di violensia, kaminda e hudiunan ta biba den un komunidat fuertemente sigurá entre míles di palestino.

E anunsio ta un paso preliminar i ta sigui un ruta di vários aña largu, promé ku e konstrukshon por kuminsá.

 

LAGA UN KOMENTARIO

Please enter your comment!
Please enter your name here