Ekiponan di reskate i habitantenan ta inspekshon dañonan na un edifisio despues di un atake israelí na sùit di Beirut.
BEIRUT, LÍBANO, AFP.- Israel a bombardiá sùit di Líbano i a ataká e zona di Beirut djaweps, ampliando su bombardeonan ku e promé atake serka di kapital di e pais den vários siman, apesar di un tregua frágil.
E atake ta e di dos di su sorto desde ku e tregua entre Israel i e grupo militante Hezbollah a drenta na vigor riba 17 di aprel. E guera a kuminsá na komienso di mart.
Líbano i Israel ta preparando pa kòmbersashonnan entre delegashonnan militar den Pentágono ku lo tuma lugá djabièrnè. Merka lo sirbi komo mediadó den e negosiashonnan ku lo kuminsá otro siman. Esaki lo bira e di kuater negosiashon desde ku e konflikto entre Israel i Hezbollah a kuminsá.
E bloke parlamentario di Hezbollah a pidi outoridatnan Líbano pa retirá di e negosiashonnan. Nan ta akusá Israel di “purba imponé un kordinashon di seguridat pa benefisiá nan agreshon”, den e kòmbersashonnan militar.
Ehérsito di Israel a afirmá ku a ataká Beirut despues di bombardeonan intenso, ku segun outoridatnan libanes a kosta bida di por lo ménos 14 persona, inkluyendo tres mucha.
