RAFAH, PALESTINA (AFP).- E promé minister israelí, Benjamin Netanyahu, a kalifiká komo desisivo e bataya den Rafah despues ku su ehérsito a anunsiá di lo intensifiká e operashonnan na tera den e siudat zùit di strook di Gaza, apesar di atvertensianan internashonal kontra dje invashon.

“E bataya di Rafah ta desisivo”,  segun e dirigente, agregando ku tambe lo pone atenshon riba e “kamindanan di eskape” i suministro dje movementu palestino Hamas, ku el a primintí na destruí despues dje atake di 7 di òktober.

Netanyahju ta konsiderá nesesario pa hasi un operashon grandi den Rafah kaminda, segun e, tin e último rebeldenan dje grupo islamita.

Un bosero militar israelí, Jadan Shoshani, a afirmá ku “tin rehen den Rafah”, refiriendo  na personanan sekuestrá dia 7 di òktober. “Nos ta trahando pa krea e kondishonnan pa trese nan kas”.

“Mas tropa lo drenta Rafah i e aktividat militar lo intensifiká”, segun e minister di defensa, Yoav Gallant.

For di despues ku ehérsito a ordená sivilnan pa evakuá e sektornan ost di Rafah dia 6 di mei, 600.000 persona a hui”, segun Nashonnan Uní.

Netanyahu a sigurá ku Israel a evitá un “katástrofe humanitario” den e siudat, kaminda te awor tin alrededor di 1.4 mion siudadano di Gaza, bisando ku kasi mei mion persona a keda evakuá.

LAGA UN KOMENTARIO

Please enter your comment!
Please enter your name here