ROMA, ITALIA, AFP.- Italia a vakuna mas di un mion persona kontra Corona vírus, segun indikashon di e promé minister Giuseppe Conte. Esaki ta e promé pais di Union Europeo ku mas tantu persona vakuná.
“Nos kier gradisí tur siudadano i e servisio públiko di salú pa esaki”, asina Conte a skibi riba Facebook. “Italia ta e promé pais den Union Europeo ku a vakuná mas tantu hende”.
Segun e informe di e komité di krísis pa Corona vírus dibulgá djaweps a vakuná 903.883 persona. Alemania a vakuná 758.093 i Spaña 581.638 persona.
