ROMA, AP.- Legisladornan di Partido Demokrátiko, iskierdista i e oposishon prinsipal di Italia, a reuní djárason pa purba haña sufisiente sosten den Parlamento pa un gobièrnu duradero. E intenshon ta pa evitá elekshon antisipá kaminda partido Liga lo gana. Esaki ta e partido nashonalista di Matteo Salvini.
E premier Giuseppe Conte a renunsiá, i a akusá Salvini di kibra koalishon pa provoká elekshon ku tres aña i mei delantá i asina kombertí den premier di Italia.
Presidente Sergio Mattarella lo disidí si tin mayoria sufisiente den Parlamento pa forma gobièrnu i sobreviví un voto di konfiansa obligatorio.
Mattarella a inisiá e kombersashonnan djárason atardi, despues di a risibí legisladornan di e dos kámaranan pa evaluá e kaso. Loke ta mas kumbiniente pa e pais ta pa disolvé ámbos kámara i organisá elekshon dentro di 70 dia.
Salvini a pinta kualkier intento pa forma un koalishon alternativo komo un konspirashon de su kontra. El a insistí ku e pueblo mester determiná ken mester goberná.
