ROMA, AP.- Un pareha franses ta enfrentá un posibel kondena di seis aña den prizòn, pa trafiká 40 kilo di santu blanku di un playa riba e isla italiano Sardinia.

Polis finansiero di Italia a bisa djamars ku a deskubrí e santu di playa Chia den 14 bòter di plèstik den un ruk di e pareha na momentu ku outoridat a registrá e vehíkulo riba 15 di ougùstùs miéntras ku esaki a purba subi un fèri di Sardinia pa Fransia.

E pareha a informá na outoridat ku nan no tabata na altura ku e akto aki ta unu ilegal. e isla ta protehá komo patrimonio públiko. Si nan wòrdu deklará kulpabel, nan mester pasa un sanshon di entre un pa seis aña di prizòn pa robo.

No ta evidente ki dia e huisio lo tuma lugá. Agentenan polisial a bisa ku ta trata di e robo mas grandi di santu registrá últimamente.

LAGA UN KOMENTARIO

Please enter your comment!
Please enter your name here