MILAN, AP.- Fiskalnan na Italia lo investigá e eks minister di Interior Matteo Salvini dor ku e no a permití pa un boto di reskate humanitario ku migrante drenta den awa italiano den verano ku a pasa.
E agensia di notisia ANSA a bisa djamars ku Salvini ta wòrdu investigá pa sekuestro i abandono di su deber despues di un konfrontashon di 20 dia ku un boto ku 64 migrante operá pa e grupo humanitario spañó Proactive Open Arms.
E lider di e partido derechista Liga a wòrdu akusá pa insidentenan similar den pasado temporada ku e tabata minister, dor ku Parlamento a ninga di retirá su inmunidat. El a pèrdè puesto den gabinete despues ku gobièrnu a kai den ougùstùs.
Fiskalnan tin dos siman pa disidí si lo kontinuá ku e kousa.
Salvini a pone importansia riba e investigashon, kual e ta konsiderá komo un desperdisio di plaka i tempu di funshonarionan hudisial.
