Italia ta suspendé sirkulashon liber ku Spaña

Un parti di e migrantenan ku a purba drenta Spaña

CEUTA, Spaña, AFP.- E yegada di 60.000 migrante di Maroko riba e teritorio spañó Ceuta a provoká un krísis den Union Europeo. Esaki a pone ku Italia a sera su espasio aéreo di sirkulashon liber ku Spaña temporalmente. Madrid ta konsiderá e yegada komo un “atake” na su integridat teritorial.
Por lo ménos 34 persona a muri purbando di yega Ceuta, segun indikashon di e gobièrnu lokal.
Vários persona a kuminsá yega kaba na komienso di siman na Ceuta. Mayoria a landa i algun a krusa frontera. Un gran parti di e migrantenan tabata hòmbernan hóben i adolesente.
Pero djaweps mardugá, e kantidat di hendenan a multipliká i bira 60.000 persona. Segun e gobièrnu spañó, mayoria a regresá Maroko djabièrnè.
Ta trata di un di e krísisnan di mas pió di e siudat outónomo ku tin 84.000 habitante.
Vários pais a reakshoná riba e krísis, kuminsando ku Italia. E pais a anunsiá suspenshon temporal di e akuerdo di sirkulashon liber (Schengen) ku Spaña, ku respaldo di Finlandia i Dinamarka.
E alkanse di e medida no ta evidente i huristanan a sigurá ku no ta posibel pa apliká esaki.

Migrantenan banda di un outo ku nan a bòltu na e sitio kaminda nan a klèsh ku outoridatnan