MERKA.- Dia 26 di aprel próksimo lo tin e entrega di premio relashoná ku ‘Latin Billboard 2018’ na Las Vegas.
E prinsipal finalistanan den e diferente kategorianan a keda menshoná i ta inkluí J. Balvin ku 12 nominashon, Shakira ku 12, sigui pa Luis Fonsi i Daddy Yankee huntu ku Ozuna ku 10, miéntras ku Justin Bieber i Beyonce tin respektivamente 7 i 8 nominashon.
E fenómeno mundial ‘Despacito’ a traspasá tur frontera logrando un gran alkanse, hasiendo Daddy Yankee i Luis Fonsi komo finalista na 10 okashon. Ambos artista ta kompetí pa artista di aña, kompositor di aña, ‘Hot Latin Song’, artista maskulino di aña entre otro.
Shakira ta kompetí den e kategoria di: artista di aña, ‘Hot Latin Song’, kolaborashon vokal, kansion di aña digital, streaming i kansion ‘Latin Pop’ di aña pa e kansion ‘Me Enamore’ i huntu ku Prince Royce e ta kompetí pa kansion tropikal di aña  pa ‘Dejavu’.

LAGA UN KOMENTARIO

Please enter your comment!
Please enter your name here