BRASILIA (AFP).- E èks-presidente brasilero Jair Bolsonaro, hospitalisá for di siman pasá, ta sigui den kuido intensivo apesar ku su salú ta bai dilanti, segun e último informashon médiko publiká ayera. Bolsonaro (70) a drenta un klínika priva di Brasil dia 13 di mart, ku keintura hopi haltu, sodamentu i hopi friu miéntras ku e tabata den prizòn kaminda e ta kumpli un kastigu di 27 aña pa intento di gòlpi di estado.
Su dòkternan ta papia di “bon evolushon” di su estado klíniko, pero a suprayá su salida dje unidat di ‘intensive care’ ainda no tin fecha. E èks-mandatario (2019-2022 )ta sufri di “bronconeumonía bacteria bilateral”, un infekshon respiratorio. Segun dòkter, e infekshon ta konsekuensia di problemanan ku ta bolbe surgi i ku tin di aber ku e hinka den barika ku el a sufri durante di un reunion di kampaña di 2018.
