KINGSTON, JAMAICA, AP.- Agentenan antinarkotiko di Jamaica a detené tres hòmber ku un karga di mas di 7171 kilo di mariwana. Esaki ta un di esnan mas grandi te ainda pa e aña aki. Asina polis informá djadumingu.
E institushon a agregá den un komunikado ku e operativo a tuma lugá alrededor di djasabra mardugá serka di Adelphi, un lokalidat chikitu na nortwèst di e isla, serka di e sentro turístiko di Montego Bay.E tres hòmbernan a baha den kantidat igual di vehíkulo, kaminda agentenan antinarkotiko a haña 300 paki di mariwana.
Polis a konsiderá ku e karga por ta destiná pa interkambio klandestino di arma pa droga ku ‘gang’- nan ku ta ópera den otro paisnan den e region.
Jamaica ta e produktor prinsipal di mariwana den Karibe i den último añanan outoridat a detektá ku ta mandando esaki pa ‘ganga’-nan di otro paisnan, prinsipalmente Haiti a kambio di arma.
