Jediah Kwidama ta firma profeshonal ku Diamondbacks

...Jediah Kwidama ta firma i Cesar Geronimo Jr. direktor di skouting di Latino America, pa Diamondbacks ta ta asistí...

WILLEMSTAD.- Djabièrnè dia 17 di yanüari e hungadó Jediah Kwidama di Santa Maria Pirates a firma ku Arizona Diamondbacks. Skout pa organisashon Diamondbacks na Kòrsou, Bradley ‘Bebe’ Stuart, ta firma su promé hungadó.

Jediah Kwidama nasé 30 di yüli 2002 a firma komo picher i tin un velosidat di 92 mia pa ora.

Den Little League Jediah tabata ku organisashonnan Santa Maria, Marchena i Sint Michiel. Ta trata di un tremendo prospekto ku na 2016 a hunga Mundial Intermediate despues ku selekshon di Liga Pabou a bira kampion di e Intermediate Latino na Kòrsou.  Jediah ta yu di Elmer Kwidama i Margie Balentina.

…Di robes pa drechi, Elmer Kwidama (tata), Skout Bebe Stuart, Jediah Kwidama i Margie Balentina (mama), durante firmamentu di kontrakt…

SHARE

LEAVE A REPLY