Jeon ta lansa ‘Nunca Mas’ vershon Bachata
ARUBA.- Ayera mainta ku un konsepto kompletamente diferente, Jeon a lansa su vershon nobo di su kansion titulá ‘Nunca Mas’ na spañó den e género di Bachata. Dia 20 di ougùstùs último Jeon a lansa e vershon na papiamentu di ‘Nunca Mas’ ku a bira un sensashon den 2 siman di tempu yegando 87 mil view riba e plataforma di YouTube. Ku e akohida aki Jeon huntu ku su ekipo kreativo a traha un vershon na spañó i despues di 2 siman ta lansa e kansion aki pa tur su fanátikonan por disfrutá di un tremendo piesa baliabel ku un dushi ritmo. E videoclip di ‘Nunca Mas’, vershon Bachata, a keda produsí ku un konsepto ‘bibu’ – ‘La Barberia Live’, dirigí pa Edward Silberie, miéntras ku e produkshon musikal tabata den man di Rafa de la Cruz, un produktor dominikano residensiá na Aruba.