WILLEMSTAD.- Periodista hulandes Johan Derksen a spliká Extra djasabra ku e no tin nada kontra Kòrsou. E presentadó di e programa Vandaag Inside ta na Kòrsou e dianan aki. Pa dos siman largu e programa lo ta live entre djaluna i djabièrnè for di Mondi Beach Bar. Promé ku el a bin Kòrsou, Derksen a bisa ku e “no tin nada ku Kòrsou” i ku, den su opinion, e isla ta un ‘roversnest’.
Den un entrevista ku Extra, Derksen ta spliká ku e no tin nada kontra Kòrsou. “Mi remarke tabatin di aber ku un grupo di hulandesnan ku ta bin Kòrsou, bin biba aki sin paga impuesto. Hopi di nan ta hasi mal uso di e isla bunita. Mi no ta gusta e tipo di hende ei i mi no ke tin nada di aber ku nan”, asina Derksen ta spliká.
Segun Derksen, e ta gusta e habitantenan di e isla. “Mas ku 30 porshento di e habitantenan no tin sufisiente sèn. Esaki ta algu lamentabel. I si mi ta wak ku, na otro banda, hulandesnan ta biba aki ku oloshi i outonan hopi karu, sin rèspèt pa e isla… esaki ta hopi tristu, segun mi.”
Djaluna 25 di mei por mira henter e entrevista ku Oscar van Dam a hasi ku Johan Derksen den e programa Extra Journaal.
[…] Johan Derksen na EXTRA: “Mi tin nada kontra Kòrsou” […]
Ela hanja miedo di loke ku ela papia, paso e no a verwacht ku henter e pueblo di korsow lo a atake pisa asina. I awor ela boltu e rol riba su mes paisano nan bek. E makamba nan tin ku sali defende nan mes awor di loke ku ela papia di nan i dikon nan tur ta bin biba aki na korsow. E shon aki mester tene bon cuenta di kiko e ta papia, paso awor ku ela wordu ataka door di e rovers nan e no tin nest pa e skonde aden. 🤣😂🤣😂