TURKIA.- Miembro di selekshon di Kòrsou, Joshua Brenet, tabata den akshon ayera pa Kayserispor, den nan derota di 3-0 na man di Gaziantep FK.
Brenet tabata titular pa su ekipo ayera, pero el a hunga únikamente 34 minüt. Motibu di e kambio aki tabata un táktiko, i no ta mustra di tabata unu dor di leshon.
E wega di ayera tabata Joshua Brenet su di dies ku Kayserispor, ekipo ku kua el a firma na inisio di febrüari di e aña aki.
Miéntras pa loke ta trata e temporada kompletu, Brenet a hunga un toal di 25 partido. E sobrá weganan el a hunga ku e ekipo eskoses di Livingston FC, kual ta e ekipo ku el a kuminsá temporada kuné.
Joshua Brenet i Kayserispor ainda ta den zona di degradashon den Super Lig (promé divishon turko), faltando kuater wega pa temporada finalisá.
