HSPRTY ta firma dil ku record label na Hulanda

HULANDA.- Despues di nan éksito ku nan kantikanan Maldito Corona i Baila Malu Pasa Bon, e hóbennan di HSPRTY, ( Jules, Josh i Juny Martina) a sigui traha duru i saka mas piesa. Nan delaster piesa ku yama ‘Mala Mucha’ a kue kaya duru na Hulanda riba plataformanan di streaming i no ta pòrnada.

Ta asina ta ku HSPRTY a kuminsá risibí atenshon di record labelnan na Hulanda tambe. Via un plataforma ku yama Virpp, HSPRTY a ‘upload’ un kantika pa nan haña kontakto ku labelnan.

Virpp ta un plataforma speshal pa artistanan ku ke wòrdu rekonosé dor di labelnan. Asina e record label di Vunzige Deuntjes a haña e kantika di HSPRTY i a firm’é mesora.

HSPRTY ke duna e plataforma aki komo tep na kada un artista YDK ku ta trahando muzik na Hulanda. Tin hopi manera pa por laga bo kantika yega na orea di labelnan. Pero esaki sigur ta unu ku HSPRTY ke kompartí despues di nan eksperensia eksitoso.

E kantika ku Vunzige Deuntjes a firma yama ‘Zwai’ i a keda publiká djabièrnè último, 12 di novèmber. Keda pendiente pa e piesa aki ku sigur lo rementá fiestanan dia por atrobe.

Por tuma kontakto ku HSPRTY via [email protected] òf bishitá nan wèpsait riba www.hsprty.com

10 COMMENTS

  1. … [Trackback]

    […] Find More Information here to that Topic: extra.cw/jules-josh-i-juny-martina-ta-sigui-buta-drama-ku-nan-musika-na-hulanda/ […]

LAGA UN KOMENTARIO

Please enter your comment!
Please enter your name here