Juni & the Bolero Legends na Brakkeput Mei Mei

WILLEMSTAD.- Djaweps awor ta tuma lugá un tremendo konsierto baliabel na Landhuis Brakkeput Mei Mei ku presentashon di Juni huntu ku Arnel Salsbach i ‘The Bolero Legends’.
E leyendanan den bolero lokal, Dennis Cicilia, Mafalda Minguel, Romeo Heije, Melania van der Veen, Ñaño Rosario i Juni Juliet lo presentá un repertorio di klásikonan di bolero tantu internashonal komo lokal.
Ayera tardi durante di un rueda di prensa Juni Juliet a duna informashon riba e evento i a partisipá aserka ku tin algun artista invitá ku sigur lo kousa impakto ku nan presentashon.
Porta di Landhuis Brakkeput Mei Mei ta habri pa 7 or di anochi i showtime lo ta 8 or di anochi.
Karchi na rason di 25 florin ta optenibel na Mensing’s Caminada, Beep Beep, 24 uur uit de muur i si sobra na porta pa 35 florin.
Djaweps awor, Dia di San Valentino na Lanthùis Brakkeput Mei Mei… ‘Juni huntu ku Arnel Salsbach & The Bolero Legends’.

SHARE

LEAVE A REPLY