WILLEMSTAD.-Awe mainta Juniel Carolina a huramentá serka su ekselensia gobernador di Kòrsou sra. Lucille George-Wout. Carolina ta drenta Parlamento i ta bai okupá e asiento ku Gerrit Schotte a pèrdè na momentu ku el a bai keda kondena i mester bai sinta un kastigu den prizòn. Schotte a bisa públikamente ku su deseo ta pa sra. Eduarda remplas’é den Staten, pero pa esei sosodé otronan mester a gradisí i laga e puesto bai.
Juniel Carolina a bai serka su ekselensia gobernador den kompania di su koleganan di MFK kendenan ta Sithree van Heydoorn, Jacinta Constancia i Gilmar ‘Pik’ Pisas. Despues di esei a bai Parlamento i a hiba palabra den un reunion di Parlamento. Carolina a gradisí partido MFK i su lider Schotte, pa e oportunidat di por bira miembro di Parlamento. Tambe el a gradisí su famia ku a i ta dun’e tur sosten nesesario, pa bai sigui traha pa pueblo, spesialmente barionan i abitantenan ku ta pidi pa yudansa yega serka nan tambe.
Na pueblo di Kòrsou kompletu i spesialmente na su siguidónan i votadónan, Carolina a bisa ku su ofisina ta habrí pa risibí nan. Carolina su bos ta bai resoná ora inhustisia keda kometé kontra tur siudadano.
kada un di boso. Mas aleu el a bisa di ta spera di por traha den bon ambiente ku presidente di Parlamento i tur kolega. ‘Koleganan boso por konta ku mi sosten i di e frakshon di MFK, na momentu ku ta pa interes di Kòrsou. Ban hasié pa malu, manera e genio musikal señor Rignald Recordino a yega komponé”.
Pa loke ta trata e situashon di Venezuela Carolina a bisa EXTRA ku e ta haña ku tin hopi tenshon sin tin mester den komunidat, pa motibu di un guera friu, ku por bira un guera ofisial, entre Merka i su aliadonan kontra Venezuela i kontra e pueblo venezolano. Carolina ta kere ku gobièrnu di Kòrsou mester a keda neutral den e situashon aki. Gobièrnu di Kòrsou, no mester a kue un situashon eksterno i hasié un situashon interno, djis pa komplasé su bon amigu Ulanda. E ta spera ku gobièrnu di Kòrsou duna informashon basa riba e Bèrdat.
