WILLEMSTAD.- Ayera, e promé fecha di Velas Latinoamerica Curaçao 2018 a gosa di tremendo animashon musikal ku presentashon den antesala di Marinierskapel di Marina Ulandes i sigui despues pa Junior Tecla ku Vibenation i diferente artista invitá.
‘DEN E BEMBE’ a sigui e konsierto via e página di facebook di EXTRA i mester indiká ku nos a gosa e variashon ku Junior i su artistanan invitá, a presentá. Un repertorio bon variá pa e públiko ku tabata presente.
Pa awe riba Brionplein lo tin presentashon di Axl & Friends sigui pa Izaline Calister ku Marinierskapel. Pa djamars anochi ta sera e evento ku presentashon di ERA i Oscar d’Leon ku su orkesta. Riba foto un impreshon dje ambiente durante di e presentashon musikal dje promé anochi.
