WILLEMSTAD – Un bishita pa wak flamingonan na Willibrordus a terminá di un momentu desagradabel pa un turista awe, despues ku un kachó a mord’é. E insidente a tuma lugá den área di Willibrordus, kaminda diariamente turista ta pasa pa wak e flamingonan. Segun informashon ku EXTRA a risibí, na un momento dado un kachó a morde e turista, kousando herida na su pia. Riba e foto por mira ku e morde a laga herida i sangramentu na parti abou di pia di e turista. Politur tambe a presentá na e sitio pa atendé e situashon. Na e sitio tabatin por lo ménos dos kachó. Te na e momentu aki no ta konosí bou di ki sirkunstansia eksaktamente e insidente a tuma lugá. Politur a konsehá e víktima turista pa bai un dòkter di kas pa risibí tratamentu médiko. E kaso ta hala atenshon mirando ku e área ta un punto kaminda regularmente turista ta pasa pa wak flamingonan. E insidente ta trese atenshon riba e seguridat di personanan ku ta bishitá e lokalidat aki. Na e area aki tambe na vários okashon turistanan a bira víktima di ladronisia den outo.
