WILLEMSTAD. – Di e 8 kachónan ku a pèrdè durante kambio di aña pa zonidonan duru di vürwèrk, 6 a haña nan kas bèk. Sinembargo tin dos ku ainda nan doño no a sali. Stanley Ignacio a splika ku por nota klaramente ku ta trata di kachónan hopi pegá ku nan doño. E kachónan klaramente ta sinti falta di nan kas, nan no ta komiendo. Ta trata di dos bestia hopi trankil. E kachó brùin skur a pèrdè den área di Seri Mahuma (Romar) i e kachó blanku ta den área di Abrahamsz.
